Udzień 9 maja ŭ milicyju patelefanavaŭ małady čałaviek, jaki raspavioŭ, što jaho baćka ŭ kvatery doma pa vulicy Kamiennahorskaj u Minsku, pahražaje siamji pradmietam, što vonkava nahadvaje hranatu. Pra heta paviedamlaje pres-słužba HUUS Minharvykankama.
Supracoŭniki milicyi, jakija prybyli na miesca zdareńnia, zatrymali pjanaha 54-hadovaha minčuka.
Pry ahladzie kvatery byli vyjaŭlenyja try mietaličnyja pradmiety, što vonkava nahadvali vybuchovyja pryłady.
«Sapiorna-piratechničnaj hrupaj v/č 5448 było ŭstanoŭlena, što znojdzienyja pradmiety mierkavana źjaŭlajucca samarobnymi vybuchovymi pryładami, bo adnym z rečyvaŭ, jakija znachodziacca ŭnutry, źjaŭlajecca porach. Nakont kanfiskavanych pradmietaŭ pryznačanaja ekśpiertyza», - raspaviali ŭ milicyi i adznačyli, što zatrymany pracuje tokaram.
Vyśvietliłasia, što pamiž zatrymanym 54-hadovym mužčynam, jaho byłoj žonkaj i synam adbyŭsia kanflikt.
U dačynieńni da zatrymanaha zaviedziena kryminalnaja sprava pa artykule 186 (Pahroza zabojstvam, pryčynieńniem ciažkich cialesnych paškodžańniaŭ abo źniščeńniem majomaści) Kryminalnaha kodeksa Biełarusi. Jamu moža pahražać pakarańnie ŭ vyhladzie pazbaŭleńnia voli terminam da 2 hadoŭ.
Raniej mužčyna da kryminalnaj adkaznaści nie pryciahvaŭsia.
