Druhi dzień zapar u Minsku zranku idzie śnieh, a tempieratura ŭnačy blizkaja da nula. Ale mnohija ŭžo pasadzili harody na leciščy i vioscy. Pry takim nadvorji bulbie ničoha nie pahražaje, a voś pamidory ci kvietki jabłyniaŭ mohuć pamiorznuć.
Pra heta ŭ razmovie ź Jeŭraradyjo raspavioŭ namieśnik hienieralnaha dyrektara Navukova-praktyčnaha centra pa bulbavodstvie i pładavodstvie, kandydat sielskahaspadarčych navuk Vadzim Machańko.
«Ciapier tempieratura na bulbu nie ŭpłyvaje, bo ziamla prahretaja. Chto pasadziŭ u siaredzinie krasavika — tak, tam jość prablemy.
Bo treba sadžać kali tempieratura +8 hradusaŭ.
Na cybulu mohuć paŭpłyvać nizkija tempieratury: mohuć pajści strełki. Kali ŭžo zasadzili parniki, to varta druhi słoj nakryć — ciaplica ŭ ciaplicy. Na morkvu i buraki nie ŭpłyvaje tempieratura».
Minusavyja tempieratury mohuć paŭpłyvać na jabłyni ci kłubnicy. Kłubnicy možna prykryć spanbondam(tkanina, jakoj prykryvajuć raśliny), kali budzie «minus». A jabłyni lepš abkurvać vohniščam pry minusavoj tempieratury, dadaje Vadzim Machańko