Košt bitkojna dasiahnuŭ čarhovaha histaryčnaha maksimumu. Na tarhach ŭ čaćvier kryptavaluta vyrasła da 1839 dalaraŭ, dadaŭšy bolš za 80 dalaraŭ. Pra heta śviedčyć infarmacyja na sajcie Coindesk, paviedamlajuć infarmahienctvy. Kapitalizacyja bitkojna pry hetym nabliziłasia da 30 miljardaŭ dalaraŭ.
Za apošnija dva dni kurs bitkojna vyras na 100 dalaraŭ. Z 6 maja kapitalizacyja kryptavaluty vyrasła na try miljardy dalaraŭ.
Virtualnaja valuta praciahvaje raści paśla taho, jak Japonija ŭ krasaviku pryznała jaje ŭ jakaści lehalnaj formy apłaty.
Bitkojn — adna z samych viadomych kryptavalut, jana stvoranaja na bazie błakčejna (ad anhł. blockchain — błokavy łancuh). Heta technałohija raźmierkavanych baz danych, zasnavanaja na pastajanna padaŭžanym łancužku zapisaŭ. Jana ŭstojlivaja da falsifikacyi, pierahladu, uzłomu i kradziažu infarmacyi.
