U japonskim univiersitecie Mije ŭ lipieni adkryvajecca pieršy ŭ śviecie navukova-daśledčy centr nindzia. Rašeńnie adkryć padobny centr vyklikana ŭ tym liku namieram uładaŭ Japonii vykarystoŭvać vobraz nindzia dla rekłamy Alimpijskich hulniaŭ u Tokio ŭ 2020 hodzie, piša VVS.
Getty
Nindzia — raźviedčyk-dyviersant, špijon, łazutčyk i najomny zabojca ŭ siaredniaviečnaj Japonii, jaki atrymaŭ suśvietnuju viadomaść dziakujučy papularyzacyi vobrazu ŭ masavaj kultury.
Univiersitet Mije, raźmieščany ŭ centry krainy, płanuje sabrać i sistematyzavać usie viadomyja materyjały pa historyi nindzia, pryciahnuć da vyvučeńnia nindzia studentaŭ roznych śpiecyjalnaściaŭ, raspavioŭ prafiesar, śpiecyjalist pa historyi Japonii Judžy Jamada.
«My budziem vyvučać staražytnyja dakumienty i supracoŭničać z tymi, chto zmoža prydumać, jak prymianić mudraść nindzia ŭ sučasnaj kultury», — raspavioŭ Jamada.
Centr vyvučeńnia nindzia budzie raźmieščany ŭ horadzie Iha, za 350 kiłamietraŭ na paŭdniovy-zachad ad Tokio. Vyniki daśledavańniaŭ buduć publikavacca na japonskim i anhlijskaj movach.
U 2015 hodzie hubiernatary i mery prefiektur pa ŭsioj krainie źmianili svaje zvyčajnyja kaściumy na vopratku nindzia, tym samym abviaściŭšy ab pačatku pracy «savieta nindzia».
U Japonii isnavała pa mienšaj miery 49 kłanaŭ nindzia, ale samymi viadomymi źjaŭlajucca Koha, da jakoha naležyć Kavakami, i Iha. Ich pradstaŭniki pracavali na mahutnych fieadałaŭ, takich jak Iejasu Takuhava, jaki abjadnaŭ Japoniju paśla stahodździaŭ mižusobic i vyjhraŭ ŭ 1600 hodzie ŭ bitvie pry Sekihachara.
Mienavita ŭ epochu siohunata Takuhava (Eda) u aficyjnych krynicach źjaŭlajucca adryvistyja zhadki pra nindzia.
Nie robiačy šumu, jany ŭžyvali siurykeny — kidalnyja zorki z zavostranymi pramianiami — i stralali atručanymi ihołkami z duchavych trubak—fukibary.
Taksama nindzia pa-majstersku abychodzilisia ź miačom. Svaju zbroju jany vykarystoŭvali nie tolki dla zabojstvaŭ, ale i dla taho, kab uźbiracca pa kamiennych ścienach, kab prakraścisia ŭ zamak ci nazirać za vorahami.
