U Biełarusi sprościać praceduru atestacyi piedahahičnych kadraŭ. Heta praduhledžana pastanovaj Ministerstva adukacyi, jakoje padpisaŭ siońnia ŭ Oršy na pasiadžeńni kalehii viedamstva jaho kiraŭnik Ihar Karpienka, paviedamlaje BIEŁTA.
Na kalehii abmiarkoŭvalisia źmieny i dapaŭnieńni ŭ instrukcyju ab paradku praviadzieńnia atestacyi piedahahičnych rabotnikaŭ sistemy adukacyi (akramia piedahahičnych rabotnikaŭ ź liku prafiesarska-vykładčyckaha składu). Papraŭki nakiravanyja na spraščeńnie hetaj pracedury.
Tak, admienienaja abaviazkovaja atestacyja na paćviardžeńnie vyšejšaj kvalifikacyjnaj katehoryi, a taksama kvalifikacyjnaj katehoryi «nastaŭnik-mietadyst». Vyklučeńnie zrabili dla vypadkaŭ, kali rabotnik źniziŭ uzrovień svajoj pracy ci ŭ jaho byŭ bolš čym dvuchhadovy pierapynak u pracy na piedahahičnych pasadach.
Skaraciłasia kolkaść kvalifikacyjnych kamisij, jakija prymajuć ekzamien pry prachodžańni atestacyi. Abłasnyja i Minski haradski instytut raźvićcia adukacyi atrymali prava prymać ekzamien pry nadańni vyšejšaj kvalifikacyjnaj katehoryi.
Piedrabotniki z dypłomam mahistra abo daśledčyka ciapier mohuć atrymać druhuju kvalifikacyjnuju katehoryju biez uliku stažu pracy na pasadzie. Akramia taho, bolš nie abmiažoŭvajecca termin padačy zajaŭ ab prysvajeńni kvalifikacyjnaj katehoryi.
Na kalehii Minadukacyi abmiarkoŭvalisia siońnia asnoŭnyja kirunki ŭdaskanaleńnia adukacyjnaj sistemy, u tym liku pierahlad navučalnych prahram i źmiestu padručnikaŭ, ukaranieńnie novych padychodaŭ pry farmiravańni zamovy na padrychtoŭku kadraŭ. Razhladalisia taksama pierśpiektyvy sistemy adukacyi Aršanskaha rajona, u jakuju ŭvachodziać 116 ustanoŭ, bolš za 3,5 tys. piedahahičnych rabotnikaŭ. Adznačałasia, što dla jaje raźvićcia jość istotnyja reziervy. Tak, treba budzie značna ŭmacavać materyjalnuju bazu, pavysić efiektyŭnaść pracy kadraŭ. U vyniku heta pavinna dazvolić vyjści na bolš vysoki jakasny ŭzrovień navučańnia i vychavańnia navučencaŭ.
