Na kanfierencyi dla raspracoŭščykaŭ Build 2017 kampanija Microsoft prezientavała novaje bujnoje abnaŭleńnie dla apieracyjnaj sistemy Windows 10 — Fall Creators Update, piša Tut.by.
microsoft.com
Fall Creators Update vyjdzie ŭ vieraśni hetaha hoda. Abnaŭleńnie pryŭniasie ŭ sistemu novy dyzajn, jaki ŭ kampanii nazvali Fluent Design. Źmienicca jak źniešni vyhlad samoj AS, tak i «źniešnaść» niekatorych ubudavanych dadatkaŭ.
Stvaralniki adznačajuć, što ŭ cełym interfiejs stanie bolš lohkim i intuityŭna zrazumiełym i budzie ŭkaraniacca pastupova.
Abnaŭleńnie sistemy taksama zmoža spraścić uzajemadziejańnie pamiž kampjutarami na Windows i smartfonami na bazie iOS i Android.
Adno sa značnych novaŭviadzieńniaŭ — funkcyja Timeline (časavaja škała). Ź jaje dapamohaj usie adkrytyja dakumienty, dadatki i veb-staronki buduć zachoŭvacca na adnoj škale ŭ chranałahičnym paradku. Heta dapamoža chutčej pieraklučacca pamiž biahučymi zadačami.
engadget
Clipboard — jašče adna novaja funkcyja sistemy. Heta adziny bufier abmienu pamiž PK i inšymi pryładami na iOS abo Android. Naprykład, možna skapijavać fatahrafiju na smartfonie i adrazu pieramiaścić jaje ŭ dakumient na kampjutary.
Takaja mahčymaść realizavanaja i ŭ ekasistemie Apple, ale pracuje tolki pamiž pryładami kampanii. Rašeńnie ad Microsoft univiersalnaje i dziejničaje adrazu na ŭsich troch papularnych sistemach Windows, Android i iOS
The Verge
U Fall Creators Update taksama palepšyli pracu z vobłačnym schoviščam OneDrive. Ciapier fajły ŭ «vobłaku» adlustroŭvajucca ŭ sistemie ŭ jakaści łakalnych. Ich možna adkryć i redahavać praz fajłavy mieniedžar Windows. Pry hetym ich nie abaviazkova zapampoŭvać na kampjutar.
Story Remix — novy dadatak dla pracy z fatahrafijami i videa ad Microsoft. Ź jaho dapamohaj možna stvarać interaktyŭnyja roliki-historyi, sumiaščajučy 3D-abjekty i miedyjafajły.
