Śfieru sportu ŭ Biełarusi čakaje surjoznaje pierafarmatavańnie. Ab hetym Alaksandr Łukašenka zajaviŭ siońnia, dajučy zhodu na pryznačeńnie Siarhieja Repkina rektaram Biełaruskaha dziaržaŭnaha ŭniviersiteta fizičnaj kultury.
Kiraŭnik dziaržavy adznačyŭ stanoŭčuju tendencyju, što ŭ krainie ŭsio bolš ludziej pačynajuć zajmacca masavym sportam.
— Ale, na žal, sportu vysokich dasiahnieńniaŭ mienš stała. Voś u čym usia prablema. Siońnia spartyŭnyja spabornictvy na čempijanatach śvietu, Jeŭropy — heta nie hulnia. Heta navat nie zmahańnie. Heta — bitva. Inšaha nie dadziena, — ličyć Alaksandr Łukašenka.
Kiraŭnik krainy čarhovy raz vykazaŭ dolu krytyki z nahody jakaści i vynikaŭ hulni biełaruskich chakieistaŭ.
— Vy pavinny viedać, što my pačynajem surjoznaje pierafarmatavańnie, kali nie kapitalnuju ŭstrasku, usioj śfiery sportu. My nie možam dalej tryvać heta, — padkreśliŭ biełaruski lidar.