Alaksandr Łukašenka, prymajučy 12 maja rašeńni pa kadravych pytańniach u dačynieńni da kiraŭnikoŭ miascovaj viertykali, nahadaŭ pra nieabchodnaść vykanańnia zadač pa pavyšeńni žyćciovaha ŭzroŭniu nasielnictva, paviedamlaje jaho pres-słužba.
president.gov.by
«Asnoŭnyja pytańni, pra jakija my ŭvieś čas kažam, — heta pytańni sacyjalnyja, jakija paciahnuć za saboj ekanomiku. Ceny, zarobak, zaniataść.
Vyrašajučy hetyja pytańni, my nikudy nie padzieniemsia ad madernizacyi pradpryjemstvaŭ, ad stvareńnia novych pracoŭnych miescaŭ. Nu i, adpaviedna, zarabotnaja płata, — skazaŭ kiraŭnik dziaržavy. — Kali my nie vyrašym sioleta prablemu z uzroŭniem zarobku, nam budzie niemahčyma pracavać u budučyni. Nas ludzi naohuł nie zrazumiejuć».
«Uščylniajciesia, skaračajciesia, ekanomcie, ale za košt ekanomii, pradukcyjnaści pracy my pavinny ludziam dać narmalny zarobak. Dapamahčy im zarabić. Tamu hetyja try pytańni pastajanna buduć na kantroli», — zajaviŭ Alaksandr Łukašenka.
