Try rasijskija banki vydavali kredyty padstaŭnym firmam pad zakład bočak z vadoj, paviedamlaje VVS sa spasyłkaj na sajt rasijskaha ministerstva ŭnutranych spraŭ.
Źmieściva bočak prachodziła pa dakumientach jak «darahaja chimičnaja syravina». Takim sposabam u 2014 i 2015 hadach z kredytnych arhanizacyj było vyviedziena kala 1 młrd rasijskich rubloŭ (kala $17,5 młn). Paśla hetaha ŭ bankaŭ byli adklikanyja licenzii.
Suprać čatyroch padazravanych raspačataja kryminalnaja sprava ab machlarstvie ŭ asabliva bujnym pamiery. Troje ź ich aryštavanyja. Ich imiony viedamstva nie nazyvaje.
Usiaho za 2016 hod z Rasii za miažu było niezakonna vyviedziena 190 młrd rubloŭ suprać 600 młrd rubloŭ hodam raniej, paviedamiła raniej staršynia Banka Rasii Elvira Nabiulina.
Pa jaje słovach, niahledziačy na pośpiechi baraćby z hetaj źjavaj, pastajanna źjaŭlajucca novyja, «bolš dziorzkija schiemy» vyvadu srodkaŭ.
