U niekalkich rehijonach Vialikabrytanii ŭ balnicach, jakija dziejničajuć pad ehidaj Nacyjanalnaj słužby achovy zdaroŭja, 12 maja adbyŭsia techničny zboj, vyklikany, jak miarkujecca, chakierskaj atakaj, piša Meduza.
U šerahu ŭstanoŭ pierastali pracavać telefony i kampjutary. BBC piša, što daktary «viarnulisia da ručki i papiery». Niekatoryja balnicy abmiežavali pryjom pacyjentaŭ, prablemy jakich nie patrabujuć terminovaha vyrašeńnia.
Jak piša The Guardian sa spasyłkaj na supracoŭnika NHS, na zaražanych pryładach źjaŭlajecca paviedamleńnie z patrabavańniem vykupu dla adnaŭleńnia pracy. U samoj słužbie taksama zajavili, što ŭ atacy zadziejničany virus, jaki patrabuje vykup, pieradaje The Telegraph.
Zboj adbyŭsia jak minimum u 16 ustanovach, raźmieščanych u Łondanie, Notynhiemie, Kambryi, Błekbernie, Błekpule, Derbišyry i Chartfardšyry.
