Navukoŭcy z Univiersiteta Ročestera raspracavali novy mietad imunaterapii. Vykarystoŭvajučy śviatło, daśledčyki prymusili imunnuju sistemu hryzunoŭ, jakija pakutavali na miełanomu, atakavać rakavyja kletki. Pabočnych efiektaŭ zarehistravana nie było, raspaviadaje MedDaily sa spasyłkaj na The Hindustan Times.
Vida Press
Imunaterapija adroźnivajecca ad pramianiovaj terapii i chimijaterapii. Jana nie źniščaje rakavyja kletki naŭprost, a nastrojvaje suprać ich T-kletki imunnaj sistemy. U ciapierašni čas isnuje niekalki mietadaŭ imunaterapii. Niedachop imunaterapii ŭ tym, što reakcyja imunnaj sistemy moža być zanadta mocnaj albo słaboj. Akramia taho, rakavyja kletki mohuć chavacca ad T-kletak.
Taksama ahresiŭnyja rakavyja kletki pieraškadžajuć T-kletkam trapić u puchlinu. Pry niedastatkovaj aktyvacyi imunnaj sistemy adziny sposab — uviadzieńnie dadatkovych T-kletak u arhanizm. Adnak heta moža pryvieści da admovy orhanaŭ u pacyjenta. Śpiecyjalisty pasprabavali vyrašyć hetuju prablemu.
Navukoŭcy vyjavili, što kanalny radapsin (śviatłoadčuvalny białok) možna ŭvieści ŭ imunnuju sistemu z dapamohaj virusa i aktyvavać. Heta dazvalaje kantralavać reakcyju T-kletak. Daśledčyki stvaryli śviatłodyjodny čyp i pratestavali jaho na myšach ź miełanomaj. Śpiecyjalisty stymulavali T-kletki, uździejničajučy na puchlinu i akružajučy jaje vobłaści śviatłom. Novy mietad dapamoh imunnaj sistemie amal całkam vylečyć rak.