Tušynski rajonny sud Maskvy pryznačyŭ štraf u pamiery 3 tysiač rasiejskich rubloŭ (amal 53 dalara) salistu rok-hurtu «Bi-2» Lovu Bi-2 (Jahoru Bortniku), zatrymanaha napiaredadni na stadyjonie «Adkryćcio Arena» z pakiecikam marychuany. Pra heta paviedamlaje karespandent TASS z zały suda.
TACC
«Pryznać Bortnika vinavatym pa č. 1 art. 20.31 («Parušeńnie hledačom praviłaŭ pavodzin pry praviadzieńni aficyjnych spartyŭnych spabornictvaŭ») KaAP RF i pryznačyć jamu administracyjny štraf u pamiery 3 tys. rub.», — abviaściła rašeńnie suddzia Volha Krapčatava.
Nahadajem, Bortnik byŭ zatrymany na futbolnym matčy pamiž maskoŭskim «Spartakom» i hroźnienskim «Cierakam». Pavodle papiarednich danych, u jaho byŭ kanfiskavany pakiecik z marychuanaj. U chodzie daśledčaj pravierki było vyjaŭlena, što ahulnaja vaha kanfiskavanaha narkotyku skłała 0,5 hrama.
Sam muzyka ŭžo paviedamiŭ, što napiša novuju pieśniu, jakuju pryśviecić svajmu zatrymańniu na stadyjonie «Adkryćcio Arena».
