U vyniku najezdu mašyny na minakoŭ na Tajms-skvier u Ńju-Jorku paciarpieli prynamsi dziesiać čałaviek, piša DW. Ahienctva Reuters śćviardžaje, što jak minimum adzin čałaviek zahinuŭ. Telekanał CBS News paviedamlaje pra 20 paciarpiełych i adnaho zahinułaha.
Pažarnaje viedamstva Ńju-Jorka paćvierdziła infarmacyju pra adnaho zahinułaha i 12 paciarpiełych.
Adzin z paciarpiełych skazaŭ Reuters, što dziejańni kiroŭcy zdalisia jamu naŭmysnymi. Miž tym CBS News sa spasyłkaj na palicyju paviedamlaje, što heta nie byŭ terakt, a chutčej za ŭsio, havorka idzie pra kiravańnie ŭ stanie ałkaholnaha apjanieńnia abo pad uździejańniem narkotykaŭ.
Pravaachoŭnyja orhany zatrymali kiroŭcu, jakim, pavodle danych CBS, akazaŭsia 26-hadovy žychar Bronksa, jakoha raniej užo zatrymlivali za kiravańnie ŭ niećviarozym stanie. Jaho praviarajuć na ałkaholnaje i narkatyčnaje apjanieńnie. Pry hetym paviedamlajecca, što da rasśledavańnia incydentu pryciahnuli ahientaŭ FBR.
Pres-sakratar Biełaha doma Šon Spajsier zajaviŭ, što prezident Donald Tramp prainfarmavany ab tym, što zdaryłasia na Tajms-skvier.
