Centralny aparat MUS Biełarusi prapanujecca skaracić na 10 pracentaŭ. Ab hetym pa vynikach dakłada Alaksandru Łukašenku paviedamiŭ žurnalistam ministr unutranych spraŭ Ihar Šunievič.
Kiraŭnik pravaachoŭnaha viedamstva dałažyŭ ab płanach pa dalejšym refarmavańni sistemy orhanaŭ unutranych spraŭ. «My prapanujem skaracić u tym liku centralny aparat MUS praktyčna na 10 pracentaŭ. Pasada adnaho z namieśnikaŭ ministra padlahaje skaračeńniu. Taksama šerah padraździaleńniaŭ orhanaŭ unutranych spraŭ budzie refarmavany», - zajaviŭ Ihar Šunievič.
Alaksandr Łukašenka na sustrečy nahadaŭ, što ŭ krainie idzie aptymizacyja. «U viertykali ŭłady jana praviedziena. Ciapier zajmajemsia spadarožnymi biudžetnymi arhanizacyjami, - adznačyŭ jon. - Hetak ža my zajmajemsia, ale pa asobnym płanie ŭžo, u siłavych strukturach. Armija pa svaim płanie skaračajecca (daŭno hety płan zaćvierdžany). Dla MUS taksama my z vami damovilisia ab płanach aptymizacyi. I heta aptymizacyja ŭ MUS pačałasia daŭno, jana pradaŭžajecca. Jak ciapier iduć spravy?»
Łukašenka taksama pacikaviŭsia, ci ŭźnikajuć jakija-niebudź pytańni ŭ suviazi z praviedzienymi ŭžo mierapryjemstvami pa refarmavańni ŭ sistemie pravaachoŭnych orhanaŭ. «Vyłučali śledstva i hetak dalej. Praz šmat užo času, ci jość prablemy, nakolki jany pieraadolnyja? Jakija jość pytańni ŭ hetym płanie? Dla mianie heta vielmi važna. Ja heta trymaju na kantroli», - dadaŭ kiraŭnik dziaržavy.
