Alimpijskaja čempijonka Julija Nieściarenka aficyjna abviaściła ab zaviaršeńni spartyŭnaj karjery, paviedamiŭ BIEŁTA staršy trenier nacyjanalnaj kamandy Biełarusi pa lohkaj atletycy, jaki adkazvaje za vid u Bresckaj vobłaści, Anatol Stackiejevič.
Lehiendarnaja «biełaja małanka» zavajavała załaty miedal u biehu na 100 m na letnich Alimpijskich hulniach u Afinach u 2004 hodzie. Uračystyja pravodziny alimpijskaj čempijonki adbuducca padčas Kubka Biełarusi pa lohkaj atletycy, jaki projdzie ŭ Breście z 30 maja pa 1 červienia. Ušanavańnie lohkaatletki adbudziecca padčas adkryćcia spabornictvaŭ 31 maja na stadyjonie «Brescki».
Julija Nieściarenka ŭ formie, u jakoj jana atrymała pieramohu na stomietroŭcy ŭ Afinach, vyjdzie na raźvitalny start. Jana voźmie ŭdzieł u simvaličnym zabiehu na svajoj karonnaj dystancyi. Biehčy čempijonka budzie ŭ kampanii pačatkoŭcaŭ -spartsmienak, jakija, jak i jana, źjaŭlajucca vychavankami Bresckaj abłasnoj śpiecyjalizavanaj dziciača-junackaj škoły alimpijskaha reziervu.
