Sudździa Piaroŭskaha suda Maskvy Siarhiej Savaśćianaŭ abaviazaŭ baćkoŭ śpiavački Žanny Fryskie viarnuć Rusfondu 21,6 miljona rasijskich rubloŭ (kala 375 tys. dalaraŭ), jakija nie byli patračanyja na lačeńnie artystki.
Pradstaŭniki baćkoŭ Fryskie prasili spynić vytvorčaść pa isku z-za adsutnaści dokazaŭ, a taksama zajaŭlali, što buchhałtar rychtuje poŭnuju spravazdaču ab raschodavańni srodkaŭ.
Pry hetym maci śpiavački Volha Fryskie nie źjaviłasia na pasiedžańnie, a były hramadzianski muž artystki Dźmitryj Šepieleŭ zaŭvažyŭ, što značnaja častka hrošaj moža znachodzicca ŭ jaje.
Rusfond padaŭ u sud na svajakoŭ Fryskie paśla taho, jak palicyja admoviłasia zavodzić kryminalnuju spravu ab kradziažy srodkaŭ, sabranych na lačeńnie śpiavački.
Usiaho dabračynnaja arhanizacyja pieraličyła na rachunak śpiavački 26 miljonaŭ rubloŭ, ale paśla śmierci Fryskie jaje svajaki zmahli dać spravazdaču ab vydatkach tolki 4 miljonaŭ (70 tysiač dalaraŭ).
Žanna Fryskie pamierła ad raku 15 červienia 2015 hoda
