Halivudski akcior, łaŭreat premii «Oskar» Leanarda Dzi Kapryjo razyšoŭsia z madelkaj Ninaj Ahdał. Raman pary doŭžyŭsia amal hod — jany pačali sustrakacca letam 2016-ha, piša Tut.by sa spasyłkaj na Daily Mail.
42-hadovy Dzi Kapryjo i 25-hadovaja Ahdał vyrašyli, što rasstańnie — dobraja ideja. Śćviardžajecca, što akcior i madelka zastalisia siabrami.
Padčas svajho ramana akcior i madel paźbiahali zališniaj publičnaści. Ich ni razu nie fatahrafavali na čyrvonych darožkach razam. Akramia taho, jany žyvuć u roznych haradach: Dzi Kapryjo naležyć dom u Łos-Andželesie, a Ahdał bazujecca ŭ Ńju-Jorku.
Heta ŭžo druhi raz, kali Dzi Kapryjo i Ahdał sprabavali pabudavać adnosiny: u 2014 hodzie jany taksama sustrakalisia, ale razyšlisia praź niekalki miesiacaŭ. Paśla hetaha ŭ Lea byŭ karotki raman z Kieli Rorbach, a da hetaha jamu ŭdałosia zavajavać serca Błejk Łajvli, Žyzel Biundchien, Toni Harn, Bar Rafaeli i jašče šerahu aktrys i madelek.
Na vialikim ekranie Dzi Kapryjo źjavicca jašče nie chutka. Bližejšy film, u jakim akcior biare ŭdzieł, vyjdzie ŭ 2018 hodzie. Heta budzie amierykanskaja karcina The Black Hand studyi Paramount Pictures.
