Na štohadovaj kanfierencyi raspracoŭščykaŭ Google I/O, jakaja adbyvajecca ŭ štab-kvatery internet-hihanta, kampanija zrabiła niekalki važnych anonsaŭ, ale samym cikavym byŭ apovied pra novuju technałohiju Google Lens, jakaja raspaznaje z dapamohaj kamiery ŭ režymie realnaha času abjekty i tekst. Mienavita hetaja technałohija bolš za ŭsio ŭraziła hledačoŭ kanfierencyi. Raspracoŭščyki Google pakazali niekalki mahčymych scenaroŭ raboty Google Lens, jakija zmohuć spraścić žyćcio ŭžo zaraz. Čakajecca, što mabilny dadatak źjavicca ŭžo sioleta.
Imhniennaja identyfikacyja abjektaŭ
Vy možacie nakiravać svoj telefon na nieviadomy abjekt (naprykład, kvietku), i Google Lens dakładna vyznačyć bijałahičny vid hetaj raśliny (naprykład, lilija biełaja).
Google Lens taksama moža identyfikavać ptušak (što budzie karysna dla arnitołahaŭ-amataraŭ), a taksama aŭtamabili (što dapamoža aŭtaamataram).
Aŭtamatyčny ŭvachod u Wi-Fi-sietki
Šmatzadačnaść — adna z asablivaściej Google Lens. Naprykład, Google Lens moža pračytać parol ad Wi-Fi-sietki i aŭtamatyčna ažyćciavić uvachod smartfonaŭ u takuju sietku. Albo pračytać fłajer z anonsam padziei, a potym dadać hetuju padzieju ŭ vaš Google-kalandar i hetak dalej.
Atrymańnie infarmacyi pra najbližejšyja miescy
Dla taho, kab atrymać padrabiaznuju infarmacyju pra kramu, kaviarniu ci inšy abjekt, užo nie budzie patreby šukać heta ŭ Google Maps, dastatkova budzie tolki nakiravać kamieru na budynak hetaha abjekta. Google Lens paznaje abjekt pa fasadzie i dašle vam usiu nieabchodnuju infarmacyju pra jaho.
