Biełaruś uvodzić biaźvizavy režym dla hramadzian Kitajskaj Narodnaj Respubliki, jakija majuć pašparty dla aficyjnych pajezdak. Adpaviedny ŭkaz №173 padpisaŭ Alaksandr Łukašenka, paviedamili BIEŁTA ŭ pres-słužbie biełaruskaha lidara.
Dakumientam praduhledžvajecca ŭstanaŭleńnie biaźvizavaha paradku ŭjezdu, vyjezdu, tranzitu i časovaha znachodžańnia na terytoryi Biełarusi terminam da 30 sutak dla hramadzian KNR, jakija majuć u jakaści prajaznych dakumientaŭ pašparty dla aficyjnych pajezdak.
Hetyja pašparty vydajucca Ministerstvam zamiežnych spraŭ Kitaja, kitajskimi zahranustanovami, a taksama departamientami zamiežnych spraŭ miascovych narodnych uradaŭ asobam, jakija zajmajuć pasadu namieśnika kiraŭnika pavieta i nižejšuju, supracoŭnikam biudžetnych arhanizacyj, dziaržaŭnych pradpryjemstvaŭ i akcyjaniernych finansavych ustanoŭ.
Takoje rašeńnie nakiravana na dalejšuju aktyvizacyju dziełavoha supracoŭnictva Biełarusi i Kitaja, pierš za ŭsio na mižrehijanalnym uzroŭni.
Ukaz ustupaje ŭ siłu paśla jaho aficyjnaha apublikavańnia