Kryminalnaja sprava raspačataja ŭ adnosinach da žycharki Hancavičaŭ, jakaja zaraziła dvuch mužčyn VIČ, paviedamiŭ BIEŁTA prakuror Hancavickaha rajona Siarhiej Nasienia.
Žančyna z 2011 hoda viedała ab tym, što zaražanaja virusam imunadeficytu. Tady ž jaje papiaredzili ab adkaznaści za ŭstupleńnie ŭ pałavuju suviaź biez kantraceptyvaŭ. Tym nie mienš, žycharka rajcentra parušyła ŭstanoŭlenyja zabarony. Pra svoj status jana nie papiaredziła traich mužčyn, dvoje ź jakich byli infikavanyja.
Adzin z paciarpiełych daviedaŭsia ab najaŭnaści virusa vypadkova. Jaho žonka pryjšła ŭ balnicu stanavicca na ŭlik pa ciažarnaści. U budučaj mamy byŭ uziaty analiz na VIČ, jaki akazaŭsia stanoŭčym. Paŭtornaje daśledavańnie pakazała toj ža vynik. Zatym pravieryli i kroŭ jaje muža.
Hetaja historyja pasłužyła pačatkam śledstva. Vyśvietliłasia, što paciarpieły mužčyna mieŭ suviaź z padazravanaj zadoŭha da žanićby. Byŭ vyjaŭleny i inšy paciarpieły, u jakoha byŭ kantakt z padślednaj.
U dačynieńni da žančyny raspačataja kryminalnaja sprava pa č. 3 art. 157 (zaražeńnie VIČ), jakaja vyvučanaja prakuroram i nakiravana ŭ sud. Padślednaj pahražaje ad 5 da 13 hadoŭ pazbaŭleńnia voli.