Donald Tramp adpraŭlajecca ŭ svaju pieršuju zamiežnuju pajezdku. Prezident ZŠA naviedaje Saudaŭskuju Araviju, Izrail, Bielhiju, Italiju i Vatykan. Pierad adjezdam z Vašynhtona Tramp zajaviŭ, što maje namier abaraniać amierykanskija intaresy, paviedamlaje Radyjo Polšča.
EPA
Pieršaja zamiežnaja pajezdka Donalda Trampa ŭ jakaści lidara ZŠA budzie doŭžycca 9 dzion. U ramkach hetaj pajezdki jon vystupić z pasłańniem da isłamskaha śvietu, sustreniecca ź lidarami Izraila Bińjaminam Nietańjachu i Palestynskaj aŭtanomii Machmudam Abasam i budzie pryniaty papam Franciškam. Donald Tramp taksama voźmie ŭdzieł u samicie NATA ŭ Brusieli i samicie «Vialikaj siamiorki» na Sicylii.
Pradstaŭniki Biełaha doma źviartajuć uvahu žurnalistaŭ na bujnuju zbrojevuju ŭhodu, jakaja pavinna adbycca ŭ chodzie vizitu Donalda Trampa ŭ Er-Ryjad. Jana praduhledžvaje prodaž amierykanskaj zbroi Saudaŭskaj Aravii na sumu ŭ 110 młrd dalaraŭ na praciahu nastupnych 10 hadoŭ.
