Jak stała viadoma «Našaj Nivie» z ułasnych krynic, nie tak daŭno siłaviki (najimavierna, KDB) zatrymali kala dvuch dziasiatkaŭ čałaviek, jakija mieli dačynieńnie da handlu karmami dla žyvioł. 

Kankretna havorka pra firmy «Kinc» i «Biełekatechnika» — jany pradavali vitaminnyja dadatki da karmoŭ, a taksama vieterynarnyja preparaty. 

Siarod asnoŭnych klijentaŭ — dziaržaŭnyja fiermy i fabryki. 

Zrešty, i kiraŭnictva kampanijami ažyćciaŭlali byłyja namienkłaturščyki — zatrymany dyrektar «Kins» Uładzimir Babior raniej zajmaŭ značnuju pasadu ŭ kamitecie pa sielskaj haspadarcy Minabłvykankama. 

Znajści jaho na rabočym miescy my nie zmahli, mabilny taksama adklučany.

Niejki kamientar my atrymali tolki ad adnaho z namieśnikaŭ Babra. 

«Situacyju kamientavać ja nie budu. Kali vam cikava, jak u kampanii spravy, to rachunki našyja razmarožanyja, kampanija pracuje ŭ zvyčajnym režymie», — skazaŭ Dźmitryj Paŭlučenka, jakoha sakratarka «Kins» pradstaviła jak hałoŭnaha na dadzieny momant.

U kampanii i jaje adździełach pa krainie pracujuć kala 400 čałaviek.

Pa infarmacyi «Našaj Nivy», u ramkach hetaj ža spravy eks-kiraŭnik Červieńskaha rajahrasiervisa ŭžo atrymaŭ 7 hadoŭ pazbaŭleńnia voli. 

Śledčy kamitet pakul nie adkazaŭ na naš zapyt, u pres-słužbie KDB skazali, što kamientavańnie hetaj spravy ŭžo vyjšła z kampietencyi viedamstva. 

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?