Biełaruskaja pradukcyja adroźnivajecca vysokaj jakaściu, i heta paćviardžajuć mnohija krainy. Pra heta zajaviŭ žurnalistam u piatnicu namieśnik kiraŭnika Minsielhascharča Alaksandr Subocin.

Namieśnik ministra adznačyŭ, što antybijotyki dla lačeńnia žyvioł vykarystoŭvajucca va ŭsim śviecie, i Biełaruś, jak i inšyja krainy, aktyŭna pracuje nad tym, kab źnizić ich vykarystańnie.

«Što tyčycca antybijotykaŭ i vienieryčnych zachvorvańniaŭ — usie hetyja preparaty šyrokaha śpiektru, imi lečać šmatlikija zachvorvańni, jany majuć mnostva pakazańniaŭ», — zajaviŭ Subocin.

Bolš za toje, adznačyŭ jon, šerah preparataŭ całkam zabaronienyja ŭ Biełarusi akurat dla taho, kab całkam vyklučyć toje, kab jany traplali ŭ pradukcyju. «Ale žyvioł treba lačyć. My vykarystoŭvajem tolki tyja preparaty, reštkavyja rečyvy jakich nie mohuć akazać niehatyŭny ŭpłyŭ na čałavieka. I, naturalna, hetyja paramietry — minimalna dapuščalnych kancentracyj antybijotykaŭ u małace — žorstka kantralujucca».

Čynoŭnik adznačyŭ, što daśledavańni rasijskich kaleh datyčacca suchoj małočnaj pradukcyi. A niekatoryja pretenzii nie zaŭsiody byli abhruntavanymi, bo hučali ŭ adras tych pradpryjemstvaŭ, pakazčyki jakich nie vychodzili za ŭstanoŭlenyja narmatyvy.

Subocin padkreśliŭ, što ŭ Biełarusi isnuje žorstki kantrol za syravinaj i ŭ haspadarkach prosta niemahčyma źmiešvańnie małaka ad zdarovaj žyvioły i žyvioły, jakaja prachodzić lačeńnie.

«Minsk da kanca tydnia rychtuje dla Raśsielhasnahladu infarmacyju pra ŭzmacnieńnie kantrolu za syravinaj, i na praciahu 10 dzion moža być pryniata rašeńnie ab źniaćci zabarony na ekspart z astatnich pradpryjemstvaŭ», — dadaŭ jon.

Jak raniej paviedamlałasia, kiraŭnik Raśsielhasnahlada Siarhiej Dankviert zajaviŭ pra vyjaŭleńnie ŭ małočnaj pradukcyi biełaruskich pradpryjemstvaŭ reštkaŭ antybijotykaŭ dla lačeńnia vienieryčnych zachvorvańniaŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?