Alaksandr Łukašenka siońnia na sustrečy z navučencami «Moładź. Pohlad u budučyniu» raspavioŭ pra vučobu svajho małodšaha syna Mikałaja, pieradaje BIEŁTA.

Pa jaho słovach, adnym ź lubimych školnych pradmietaŭ jaho syna źjaŭlajecca historyja. «I nie tamu, što ja historyk. A tamu, što ŭ jaho skład rozumu humanitarny», — skazaŭ jon.

«Kali vy dumajecie, što jon u mianie tam asablivaje dzicia, ničoha padobnaha. Jak usie. U siem padjom, u vosiem na zaniatkach, — skazaŭ Alaksandr Łukašenka. — Zvyčajnaja škoła, zvyčajny vučań. Tak, usie razumiejuć, što heta syn prezidenta. Ale, dziakuj bohu, jon nie lubić, kali na jaho bolš źviartajuć uvahi, čym heta treba».

Havoračy pra školnyja zaniatki, kiraŭnik dziaržavy vykazaŭ mierkavańnie, što nie varta pierahružać vučniaŭ vialikaj kolkaściu ŭrokaŭ i zanadta składanym materyjałam, roŭna jak i praźmiernym abjomam chatniaha zadańnia. «Inakš atrymajem zvarotnuju reakcyju. Asabliva kali dzieci nie razumiejuć składanaść materyjału», — adznačyŭ jon.

Alaksandr Łukašenka taksama raspavioŭ pra reakcyju Mikałaja na inicyjatyvu ab pieranosie pačatku ŭrokaŭ u škołach na 9 hadzin: «Ranicaj adno mierkavańnie ja ŭžo atrymaŭ: ty nie toje robiš, nie treba ŭ 9 hadzin. Jak baćki dziaciej paviazuć? Heta ž nie syn prezidenta jedzie».

Jak paviedamlałasia, raniej kiraŭnik dziaržavy zajaviŭ, što ŭ pytańni pačatku navučalnych zaniatkaŭ u škołach hałoŭnym pavinna być zdaroŭje dziaciej. «My pavinny vyznačycca, čaho my ad hetaha (pieranosu pačatku navučalnych zaniatkaŭ) chočam. Ja kazaŭ pra zdaroŭje dziaciej, pra ich narmalnaje samaadčuvańnie na ŭroku. Dla taho, kab čałaviek zasvojvaŭ materyjał, jon pavinien dobra siabie adčuvać. Tamu mnie zdajecca, što tut meta — zdaroŭje dziaciej i zdolnaść zasvojvać materyjał», — zajaviŭ jon.

Клас
0
Панылы сорам
0
Ха-ха
0
Ого
0
Сумна
0
Абуральна
0