Bolš za 120% miesiačnaj normy apadkaŭ (68 mm) vypała ŭ Mazyry za 11 hadzin. Papiaredni rekord byŭ zafiksavany ŭ mai 1996 hoda, paviedamiła BIEŁTA načalnik adździeła zabieśpiačeńnia spažyŭcoŭ hidramietearałahičnaj infarmacyjaj «Homielabłhidramieta» Taćciana Zacharava.

Pa słovach śpiecyjalista, u Mazyry daždžy ź pierapynkami išli z 21.00 24 maja da 18.00 25 maja. Liŭni prynieśli 68 mm apadkaŭ (68 ł na kv. m terytoryi), što składaje 121% majskaj normy. «Liŭni takoj intensiŭnaści dla našaha rehijonu nie źjaŭlajucca raspaŭsiudžanaj źjavaj. Da prykładu, u Mazyry raniej maksimalnaja kolkaść apadkaŭ u mai była zafiksavanaja na adznacy 54,3 mm u 1996 hodzie. Na praciahu hoda rekordnaja sutačnaja kolkaść apadkaŭ u hetym horadzie była adznačanaja ŭ 1990 hodzie — 91 mm», — raspaviała Taćciana Zacharava.

Mocnyja daždžy źviazanyja z prachodžańniem atmaśfiernaha frontu. Apadki byli zafiksavanyja pa ŭsioj vobłaści, adnak liŭni nasili łakalny charaktar, i vypadzieńnie apadkaŭ prachodziła nieraŭnamierna. Naprykład, u Vasilevičach uzrovień apadkaŭ dasiahnuŭ 28 mm — praktyčna paŭmiesiačnaja norma. U Pietrykaŭskim rajonie zafiksavana 16 mm apadkaŭ.

Pa prahnozach sinoptykaŭ, na vychadnych u Homielskaj vobłaści apadki małaimaviernyja, čakajecca paciapleńnie, a ŭ paniadziełak słupok termomietra moža padniacca da 28 hradusaŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0