Siońniašniaje supolnaje pasiadžeńnie dźviuch pałataŭ Nacyjanalnaha Schodu Biełarusi pačałosia z uračystaj pracedury.
Viadoŭca pasiadžeńnia, staršynia Pałaty pradstaŭnikoŭ Uładzimier Andrejčanka, uznaharodziŭ hanarovaj hramataj Nacyjanalnaha Schodu Biełarusi ministra ŭnutranych spraŭ Biełarusi Ihara Šunieviča «za dziejnaść va ŭmacavańni pravoŭ i svabodaŭ hramadzian».
Udzielniki pasiadžeńnia apladysmentami pavinšavali ministra, paśla čaho viadoŭca skazaŭ: «Davajcie jašče raz pavinšujem Ihara Anatoleviča!». I deputaty znoŭ zaplaskali.
Pasiadžeńnie pryśviečana adkazam siabroŭ uradu na pytańni deputataŭ. Z asnoŭnym dakładam ab stanie sacyjalnaj sfery ŭ Respublicy Biełaruś vystupaje vice-premjer Vasil Žarko. Akramia taho, u zali prysutničajuć 10 ministraŭ, jakim deputaty taksama mohuć zadać pytańni.
