Źmitra Novika znoŭ pieraviali ŭ SIZA KDB, paviedamiła hramadckaja pradstaŭnica siemjaŭ zatrymanych u «spravie patryjotaŭ» Nina Šydłoŭskaja.

«Pra heta raskazała jahonaja žonka. Taksama viadoma, što zaŭtra budzie dopyt. Heta, na žal, usio, što my viedajem. Pra pryčyny i što heta značyć, na žal, ciapier kazać ciažka. Mahčyma, źjaŭlajucca niejkija vyniki ekśpiertyzy i sprava pačała ruchacca», — skazała Nina Šydłoŭskaja.

Dahetul Źmicier Novik znachodziŭsia ŭ SIZA № 1 na Vaładarskaha. Ciapier Źmitru možna dasyłać listy na adras a/s 8, Hałoŭpaštamt, Minsk.

Sprava aktyvistaŭ «Biełaha lehijona», jakaja ŭ niezaležnych ŚMI atrymała nazvu «spravy patryjotaŭ», raspačałasia pierad Dniom Voli paśla publičnaj zajavy Alaksandra Łukašenki pra zatrymańnie bajevikoŭ, jakija treniravalisia ŭ lasach pad Babrujskam dy ŭ inšych miescach.

Usiaho było aryštavana 35 čałaviek. Na hety momant u izalatarach KDB i MUS utrymlivajucca 16 čałaviek

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?