Były staršynia praŭleńnia Bielinviestbanka Hienadź Sysojeŭ pryznačany v.a. hienieralnaha dyrektara «Barysaŭdreva». Pra heta TUT.BY paviedamili krynicy na pradpryjemstvie i finansavym siektary.

«Niadaŭna na zavod pryjšoŭ bankir — Hienadź Sysojeŭ. U hetym niama ničoha dziŭnaha, bo «Barysaŭdreŭ» uvachodzić u skład drevaapracoŭčaha chołdynhu Banka raźvićcia. Dadzienaje rašeńnie było ŭzhodniena tam», — skazaŭ surazmoŭca.

Inšaja krynica ličyć, što «paśla sychodu z banka Sysojeŭ moh ŭznačalić tolki takoje prablemnaje pradpryjemstva». Pa słovach jašče adnaho surazmoŭcy, paručalnikam eks-bankira vystupiŭ jaho daŭni tavaryš kiraŭnik Banka raźvićcia Siarhiej Rumas. «Na fonie čutak ab adstaŭcy heta dobraje raźvićcio padziej. Niachaj pracuje, raźvivaje pradpryjemstva i kormić svaju šmatdzietnuju siamju», — skazała krynica.

U listapadzie 2016 hoda pres-słužba Bielinviestbanka paviedamiła, što Hienadź Sysojeŭ pakinuŭ pasadu staršyni praŭleńnia banka «pa siamiejnych abstavinach». Choć u bankaŭskich kołach musiravalisia infarmacyja pra toje, što da bankira «ŭźnikli pytańni ŭ kampietentnych orhanaŭ». U siłavych viedamstvach heta paćviardžali, ale nie kamientavali.

Клас
Панылы сорам
Ха-ха
Ого
Сумна
Абуральна