Duška Markavič, AP

Duška Markavič, AP

Ab uniasieńni 70 čarnahorskich palitykaŭ, deputataŭ i čynoŭnikaŭ paviedamiła sa spasyłkaj na dypłamatyčnyja krynicy miascovaje vydańnie Pobjeda, materyjał pierakazvaje sierbski partał «Viačernija naviny». Na sajcie Pobjeda numar za 31 maja pakul nie apublikavany. U materyjale siarod tych, chto trapiŭ u śpis nieŭjaznych, nazvany premjer krainy Duška Markavič, były kiraŭnik urada Miła Džukanavič i 46 deputataŭ parłamienta, jakija padtrymali ŭstupleńnie krainy ŭ NATA.

Pres-sakratar Sacyjał-demakratyčnaj partyi Čarnahoryi Mirka Stanič paćvierdziŭ RBK, što deputatam Skupščyny ad jaho partyi zabaranili ŭjezd u Rasiju.

Ministerstva zamiežnych spraŭ Čarnahoryi zajaviła, što nakiruje zapyt u Maskvu nakont zabarony na ŭjezd.

Krynica RBK u MZS Rasii paraiła čarnahorskim čynoŭnikam źviarnucca pa infarmacyju ŭ konsulski adździeł pasolstva Rasii.

Pres-sakratar prezidenta Rasii Dźmitryj Piaskoŭ zajaviŭ žurnalistam, što ŭ Kramli nie majuć infarmacyi ab zabaronie na ŭjezd u Rasiju dla čarnahorskich palitykaŭ i čynoŭnikaŭ. Na adpaviednaje pytańnie Piaskoŭ adkazaŭ: «Nie, ničoha nie viadoma».

***

Premjer-ministr Čarnahoryi Miła Džukanavič zajaviŭ ab namiery krainy ŭstupić u NATA viasnoj 2014 hoda, ale zaprašeńnie ŭ aljans kraina atrymała tolki ŭ śniežni 2015 hoda. U mai 2016 hoda ŭ Brusieli ministry zamiežnych spraŭ krain-členaŭ aljansu i Džukanavič pa vynikach pieramoŭ padpisali pratakoł ab dałučeńni krainy. Deputaty čarnahorskaha parłamienta ratyfikavali pratakoł 28 krasavika 2017 hoda, dakumient padtrymali 46 deputataŭ — mienavita jany, pa dadzienych miascovaha vydańnia, trapili ŭ rasijski «čorny śpis».

Prezident krainy Filipa Vujanavič nazvaŭ ratyfikacyju pratakoła «histaryčnym rašeńniem», u vyniku jakoha kraina «atrymała asnovy dla zachavańnia svajho viečnaha isnavańnia». «Praz hetuju sistemu biaśpieki respublika ciapier budzie vałodać harantyjaj svajho žyćcia», — zajaviŭ prezident.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?