Rasiejski śpiavak Aleh Hazmanaŭ, fota: sputnik.by

Rasiejski śpiavak Aleh Hazmanaŭ, fota: sputnik.by

Biełaruski muzyka Aleh Chamienka nazvaŭ zaprašeńnie rasiejskich muzykaŭ na Dzień Niezaležnaści ŭ Mahilovie nonsensam.

Pra vystupleńnie ŭ Mahilovie rasiejskich artystaŭ na Dzień Niezaležnaści 3 lipienia pieršym paviedamiŭ sajt, jaki apublikavaŭ dakument ab hanararach rasiejskim śpievakam.

Zhodna z dakumentam, na ich vystup vydzielena 156 600 rubloŭ (bolš za 84 tysiačy dalaraŭ).

Dyrektar filarmonii: byŭ tender

Aŭtar publikacyi akcentuje ŭvahu, što srodki na arhanizacyju kancertu i apłatu artystam biudžetnyja, i stavić pytańnie, čamu na Dzień biełaruskaj niezaležnaści zaprošanyja mienavita Aleh Hazmanaŭ, Leŭ Leščanka i Alaksiej Varabjoŭ.

U Mahiloŭskaj filarmonii paćvierdzili sapraŭdnaść apublikavanych dakumentaŭ. Jaje dyrektar Dzianis Šablinski ŭ hutarcy z karespandentam Svabody skazaŭ, što vybirali śpievakoŭ, zychodziačy ź finansavych mahčymaściaŭ abłasnoha biudžetu i ŭmovaŭ tenderu. Pavodle surazmoŭcy, śpis tych artystaŭ, jakich źbiralisia zaprasić z Rasiei na śviatočny kancert, poŭniŭsia dziasiatkam pretendentaŭ.

Na pytańnie, čamu vybrali Leščanku, Hazmanava i Varabjova, tvorčaść jakich nie źviazanaja ź biełaruskaj dziaržaŭnaściu, surazmoŭca adkazaŭ, što nichto lepiej za Leščanku nia vykanaje pieśniu «Dzień Pieramohi» i dadaŭ: «A čamu letaś byŭ zaprošany na kancert Josif Kabzon?»

Na pytańnie, čamu zaprasili śpievakoŭ, jakim zabaronieny ŭjezd na terytoryju Ŭkrainy praz naviedvańnie imi Krymu, aneksiju jakoha Rasiejaj nie padtrymlivaje Biełaruś, Dzianis Šablinski adkazaŭ, što šukać «palityčnaj padkładki» ŭ ich vystupie ŭ Mahilovie nia varta, bo jaje niama.

Šablinski dadaŭ, što na kancercie buduć vystupać i biełaruskija artysty. Ale na ich vystup nie praduhledžvajecca praviadzieńnie abaviazkovaha tenderu, jak dla inšaziemcaŭ, patłumačyŭ jon.

Dyrektar Mahiloŭskaj filarmonii zaznačyŭ, što vystupleńnie Leščanki, Hazmanava i Varabjova adbudziecca nie na śviatkavańni 750-hodździa Mahilova, a na ŭračystaści, prymierkavanaj da Dnia Niezaležnaści.

Chamienka: heta nonsens

Hurt «Pałac» nia budzie ŭdzielnikam mahiloŭskich uračystaściaŭ. Lider hurtu Aleh Chamienka viedaje pra sytuacyju z zaprašeńniem u Mahiloŭ rasiejskich muzykaŭ. Kamentavać jaje jon nia staŭ, adznačyŭ tolki, što aficyjny Dzień Niezaležnaści maje addalenaje dačynieńnie da dziaržaŭnaści Biełarusi. Vybranuju datu śviatkavańnia surazmoŭca nazvaŭ pamyłkaj.

«Ź pieršaj, hałoŭnaj, pamyłki ciahniecca bieźlič inšych, jakija davodziać sytuacyju nia tolki da vidavočnaha nonsensu, ale i katastrafičnaha. Na kryvym ža padmurku nia moža być roŭnaha doma», — patłumačyŭ svaju pazycyju Aleh Chamienka.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?