Palityk, sustaršynia chryścijanskaj demakratyi Pavieł Sieviaryniec abvieściŭ ab pačatku kraŭndfandynhavaj kampanii pa zbory srodkaj na vydańnie pieršaj častki ramana «Biełarusalim».

Hetuju knihu Pavieł Sieviaryniec pisaŭ 12 hadoŭ. Ad 2005-ha. Raman moh nie dajści da čytača. Byŭ momant, kali supracoŭniki Centralnaha RUUS kanfiskavali ŭ Sieviarynca rukapis.

«Paśla publikacyj i mižnarodnych zvarotaŭ addali. Tady dajšło da taho, što hetuju spravu mnie daviałosia abmiarkoŭvać z Kubilusam, jaki byŭ premjeram Litvy na toj momant. Paśla sustrečy ź im i addali. Śpiarša asnoŭnuju častku, a potym i dźvie apošnija hłavy», — raskazvaje Sieviaryniec.

Ahułam na knihu miarkujecca sabrać 6300 rubloŭ. Ludziam prapanujecca achviaravać 10, 20 albo 30 rubloŭ.

«U cichaj i zabytaj Biełarusi zasnoŭvajecca štab-kvatera karparacyi «Niepahasny śviet», jakaja vybiraje emblemaj čorny kvadrat i maje metaj ni bolš, ni mienš — dać usiamu čałaviectvu ščaście. Zorka «Niepahasnaha» Andrej Biełazor, jahonaja kachanaja Volha Vasileŭskaja i tajamničy hienij čornaha kvadrata Cimur u navahodniuju noč traplajuć u hałavakružny vir padziejaŭ z udziełam vyšejšych słužbovych asobaŭ Biełarusi, mižnarodnaha kapitału dy viernikaŭ-chryścijanaŭ:

jevanhielskaha pastara Lva, probašča kaścioła śviatoha Rocha Piatra Harnastaja i pravasłaŭnaha anarchista Jana Jasnaha. Pastupova robicca zrazumieła, što i ŭ Boha, i ŭ djabła hrandyjoznyja płany adnosna Biełarusi. Kraina pieratvarajecca ŭ pole epičnaj bitvy ź vidam na Apakalipsis», — havorycca ŭ anatacyi da knihi.

Vokładku da vydańnia raspracavała žonka Sieviarynca Volha.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?