Choć mietalisty — ludzi nie asabliva prymchlivyja, ale tut mimavoli pavieryš u kiepskija prykmiety. Metal Crowd štohod pravodziŭsia ŭ Rečycy ŭžo dvanaccać razoŭ. Na žal, trynaccaty hod skłaŭsia nie na karyść festu. Pra jaho admienu arhanizatary paviedamili na aficyjnym sajcie fiestyvalu.

Asnoŭnym čyńnikam, jaki paŭpłyvaŭ na toje, što najbujniejšaha biełaruskaha oŭpen-ejra mietalistaŭ sioleta nie budzie, jak vynikaje z paviedamleńnia kiraŭnictva festu, źjaviłasia toje, što arhanizatary «nie dasiahnuli adzinaj dumki ŭ kancepcyi kancertnaj prahramy (hurtoŭ, jakija mielisia vystupić) fiestyvalu ź dziaržaŭnymi orhanami».

U kamientary karespandentu «Našaj Nivy» adzin z arhanizataraŭ fiestyvalu Siarhiej Broŭka nie staŭ nazyvać kankretnyja dziaržaŭnyja orhany i ich supracoŭnikaŭ, jakich nie zadavoliŭ prapanavany arhanizatarami festu skład kamandaŭ. «Pa-mojmu, i tak zrazumieła, chto heta kuryruje, proźviščy ja nazyvać nie chacieŭ by», — skazaŭ Siarhiej Broŭka.

Taksama ŭ paviedamleńni ab admienie sioletniaha fiestyvalu havorycca, što, chutčej za ŭsio, u nastupnyja hady jon praciahnie svajo isnavańnie, ale źmienić hieahrafičnaje raźmiaščeńnie. Z hetaha možna zrabić vysnovu, što mienavita miascovyja ŭłady Rečycy stvarajuć pieraškody dla isnavańnia ŭ horadzie suśvietna viadomaha festu ciažkoj muzyki. U raniejšyja hady Metal Crowd źbiraŭ na svajoj scenie hurty z 35 krainaŭ śvietu. Štohod za dva dni fiestyvalu na im vystupała kala 40 hurtoŭ, hledačy ŭ Rečycu źjazdžalisia z usioj Biełarusi, a taksama z Ukrainy, Rasii, Polščy, krainaŭ Bałtyi. U Rečycy moładź ličyć Metal Crowd samaj jaskravaj padziejaj kožnaha hoda.

Darečy, da apošniaha momantu arhanizatary spadziavalisia na toje, što fiestyval usio ž adbudziecca. Jany nie spyniali padrychtoŭku da taho času, pakul supiarečnaści ź dziaržaŭnymi orhanami nie zajšli ŭ tupik. U Rečycy chadzili čutki pra toje, što na sioletnim Metal Crowd pavinien byŭ vystupić i hurt Brutto. Ciapier ža žycharam horada prapanujuć zadavolicca sustrečaj ź Siarhiejem Michałkom u składzie «Lapisa-98», kancert jakoha ŭ miascovym amfiteatry pryznačany na pačatak lipienia.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?