Piać supracoŭnikaŭ ambasady Małdovy u Maskvie abvieščanyja piersonami non hrata, paviedamlaje Tut.by sa spasyłkaj na MZS RF.

«Rasijski bok vykazaŭ nadzieju, što ŭ Kišyniovie ŭśviedamlajuć kontrpraduktyŭnaść svaich niedružalubnych dziejańniaŭ u dačynieńni da Rasijskaj Fiederacyi i destruktyŭny charaktar ździejśnienaha małdaŭskim bokam kroku, jaki išoŭ nasupierak z pryncypami partniorstva i ŭzajemnaha davieru», — havorycca na sajcie rasijskaha źniešniepalityčnaha viedamstva.

Małdova, nahadajem, abviaściła ab vysyłcy troch rasijskich dypłamataŭ 29 maja. Ich imiony nie nazyvalisia. Pavodle danych ŚMI, siarod ich byŭ pamočnik vajennaha ataše Alaksandr Hrudzin, jakoha miascovaja prakuratura padazraje ŭ viarboŭcy byłoha deputata parłamienta Małdovy.

Prezident krainy Ihar Dadon nazvaŭ rašeńnie ŭrada krainy ab vysyłcy «aburalnym», «niesiabroŭskim krokam».

Paźniej VVS paviedamiła, što ministerstva zamiežnych spraŭ Rasii abviaściŭ piersonami non-hrata dvuch estonskich dypłamataŭ u jakaści miery ŭ adkaz na dziejańni Talina, jaki vysłaŭ dvuch pradstaŭnikoŭ rasijskaj dypmisii.

Havorka idzie pra hienieralnaha konsułu Estonii ŭ Sankt-Pieciarburhu Jaanusa Kirykmiae i kiraŭnika Pskoŭskaj kancylaryi hienkonsulstva Estonii ŭ Sankt-Pieciarburhu Katryn Kanaryk, havorycca ŭ zajavie rasijskaha viedamstva.

Kiraŭniku estonskaha dyppradstaŭnictva ŭručanaja adpaviednaja nota, dadajuć u MZS. Dypłamatam zahadana pakinuć Rasiju na praciahu piaci dzion.

«Z rasijskaha boku znoŭ padkreślena, što destruktyŭnaja linija estonskich uładaŭ niepaźbiežna samym niehatyŭnym čynam adabjecca na dvuchbakovych adnosinach. Usia adkaznaść za nastupstvy takoj palityki lažyć na estonskim baku», — reziumujuć u rasijskim viedamstvie.

U minułuju piatnicu estonskija ŭłady zahadali hienieralnamu konsułu Rasii ŭ Narvie Dźmitryju Kazionnavu i konsułu Andreju Surhajevu pakinuć krainu, nie nazvaŭšy pryčyn svajho rašeńnia.

Rasijskaje MZS nazvała rašeńnie Talina «čarhovym niedružalubnym i ničym nie abhruntavanym aktam» i paabiacała adkazać na jaho.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?