Julija Nieściarenka płanuje stać dziciačym trenieram. Pra heta alimpijskaja čempijonka paviedamiła žurnalistam pierad cyrymonijaj raźvitańnia sa spartyŭnaj karjeraj, pieradaje BIEŁTA.

«Vielmi chvalujučy dla mianie dzień. Ja rasstajusia z prafiesijnym sportam sa spakojnaj dušoj. Nastaŭ toj čas, kali spartsmien uva mnie supakoiŭsia, i ja zakryvaju hetyja dźviery i adkryvaju novyja. U maich płanach słužyć i pracavać na karyść biełaruskaha sportu», — adznačyła Julija Nieściarenka.

Jana pryznałasia, što ŭ budučym choča być dziciačym trenieram. «Naviedvajučy mierapryjemstvy, kali ja była spartsmienam, sapraŭdy była rada padzialicca svaimi viedami i dośviedam ź dziećmi. Ja chacieła b hetym zajmacca», - raskazała alimpijskaja čempijonka. Pavodle jaje słoŭ, kab padrychtavać paśpiachovaha spartsmiena, pavinny syścisia šmat składnikaŭ. «U dziciaci pavinien być charaktar pieramožcy, metanakiravanaść, treba lubić svaju spravu, važna padtrymka na ŭsich uzroŭniach. Treba razumieć, što ŭ škołach pavinien być nie nabor, a adbor. Nieabchodna metanakiravana vyjaŭlać talenavitych dziaciej i vieści ich. Treba nad hetym pracavać», — ličyć jana.

Siońnia na terytoryi spartkompleksu «Brescki» startavali Kubak Biełarusi pa lohkaj atletycy i čempijanat pa kidańniach. Na adkryćci spabornictva adbyłasia cyrymonija raźvitańnia ź Julijaj Nieściarenka. Z karjeraj prafiesijnaha spartsmiena alimpijskaja čempijonka Hulniaŭ-2004 u Afinach raźvitałasia, pryniaŭšy ŭdzieł u simvaličnym zabiehu na 100 m — jaje karonnaj dystancyi. Kampaniju na darožcy lehiendarnaj «Biełaj małancy» skłali bresckija biahuchi-pačatkoŭcy.

«Taja alimpijskaja pieramoha dała stymuł mnohim spartsmienam. Jany pavieryli ŭ siabie, što možna treniravacca ŭ nas i zavajoŭvać samyja vysokija ŭznaharody. Ciapier jość dziaŭčaty-spryntary, jakija pakazvajuć davoli vysokija rezultaty», — padkreśliła Julija Nieściarenka.

Клас
Панылы сорам
Ха-ха
Ого
Сумна
Абуральна