Paŭnočnakarejskaja kampanija Myohyang IT Company vypuściła ŭłasny płanšetny kampjutar pad nazvaj Ryonghung iPad. U svajoj rekłamie vytvorca nazyvaje jaho prosta iPad, piša Gizmodo.

NK News

Płanšet atrymaŭ čatyrochjadzierny pracesar z taktavaj častatoj 1,2 hihahierca i adzin hihabajt apieratyŭnaj pamiaci. Ubudavanaj pamiaci ŭ hadžeta z Paŭnočnaj Karei vosiem hihabajt. Vytvorcy zapeŭnivajuć, što jon byŭ siertyfikavany miascovym rehulataram.

«Ryonghung iPad karystajecca vialikaj papularnaściu siarod pakupnikoŭ. Jon moža vykonvać ceły šerah funkcyj, u liku jakich čytańnie roznych krynic ličbavaj infarmacyi, a taksama vykanańnie ofisnych zadač i praca z dakumientami», — havorycca ŭ brašury.

Adznačajecca, što asablivaści Ryonghung iPad ŭ najaŭnaści «złučeńnia ź sietkaj» i kłavijatury ŭ kamplekcie. Na płanšet pradustalavanyja bolš za 40 dadatkaŭ, siarod jakich kalkulatar, encykłapiedyja pra zdaroŭje i miedycynski servis Good Doctor 3.0.

Heta daloka nie pieršy vypadak kapijavańnia pradukcyi Apple u KNDR. Tak, u 2015 hodzie ŭ Pchieńjanie pačalisia prodažy manabłoka, vielmi padobnaha da iMac. Akramia hetaha, u Paŭnočnaj Karei stvaryli apieracyjnuju sistemu Red Star OS na asnovie Fedora Linux, jakaja praktyčna całkam kapijuje interfiejs Mac OS X.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?