Śledčyja pradjavili abvinavačvańni trom hramadzianam Litvy pa spravie ab telefonnych machlarstvach. Pra heta paviedamiła aficyjny pradstaŭnik Śledčaha kamiteta Biełarusi Julija Hančarova, piša Tut.by.
U sakaviku-krasaviku hetaha hoda ŭ stalicy adbyŭsia šerah vypadkaŭ ździajśnieńnia machlarstva z padobnym scenarom: pažyłym ludziam telefanavali i paviedamlali pra toje, što ich blizkija stali vinavatymi ŭ darožna-transpartnych zdareńniach, ale jość mahčymaść «vyrašyć prablemu» chutka i biez pryciahnieńnia da adkaznaści. Dla hetaha nieabchodna patelefanavać h.zv. «pravaachoŭniku» i damovicca ab pieradačy hrošaj.
— Staličnyja śledčyja sumiesna z supracoŭnikami HUUS ŭstanavili asoby machlaroŭ. Dvoje z troch asob ciapier zaklučany pad vartu, jašče adzin abvieščany ŭ mižnarodny vyšuk, zavočna jamu abranaja miera strymańnia ŭ vyhladzie zaklučeńnia pad vartu. Akramia taho, u chodzie raboty pa spravie atrymany źviestki ab tym, što zatrymanyja ŭ Biełarusi asoby dziejničali sumiesna z hramadzianami, jakija znachodzilisia na terytoryi Litvy ŭ momant ździajśnieńnia złačynstva, — paviedamiła Julija Hančarova.
Biełaruskija śledčyja nakiravali prośbu ab akazańni mižnarodnaj pravavoj dapamohi ŭ Litoŭskuju Respubliku.
Pa najaŭnaj u śledstva infarmacyi, abvinavačanyja pasprabavali padmanuć takim sposabam 12 čałaviek, pry hetym siamiora pieradali hrašovyja srodki złamyśnikam. U vyniku ašukanskich dziejańniaŭ abvinavačanyja zavałodali bolš čym 20 tysiačami dalaraŭ ZŠA ŭ ekvivalencie. Zamachvalisia ž jany na zavałodańnie bolš za 150 tysiač dalaraŭ ZŠA ŭ ekvivalencie.
Rasśledavańnie kryminalnych spraŭ u dačynieńni da dvuch abvinavačanych zaviaršajecca, u bližejšy čas materyjały buduć pieradadzieny prakuroru dla nakiravańnia ŭ sud.
