Žury konkursu maładych vykanaŭcaŭ nazvała imiony tych, chto voźmie ŭdzieł u adukacyjnaj sesii, studyjnym zapisu i kancertach dy pazmahajecca dalej za hałoŭny pryz.
24 zajavy było padadziena sioleta na konkurs «Zaśpiavaj 4x4», jaki ładziać partał TuzinFM.by i fond «Viartańnie» pry padtrymcy kampanii «Budźma biełarusami!». Meta konkursu — spałučyć biełaruskuju sučasnuju paeziju z muzykaju. Jaho ŭdzielniki stvaryli pieśni na vieršy Eduarda Akulina, Niła Hileviča, Viktara Žybula, Alesia Płotki, Antona Rudaka dy inšych paetaŭ. Žury konkursu vyznačyła čatyry finalisty, ź jakimi budzie dalej vieścisia praca.
Heta duet Maryja Haŭrylenka i Alina Kazačenka, hurt «Małała», K3tyvana i hurt «Tutejšyja».
«Ja vyłučyŭ dla siabie značnuju častku piesień, jakija byli padadzienyja na razhlad. Mianie paradavała roznastylovaść vykanaŭcaŭ, ale trochi zasmucili adnosna čakanyja i prostyja hukavyja rašeńni. Ale akurat nad hetym my i budziem pracavać nadalej ź finalistami. A tych, chto nie patrapiŭ u finał, zaklikaju nie składać ruki i praciahvać pracavać dalej», — zaznačyŭ siabra žury i lidar hurta «Pałac» Aleh Chamienka.
Sioleta konkurs «Zaśpiavaj 4x4» prachodzić u novym farmacie — z adukacyjnaj siesijaj, majstar-kłasami, pracaj u studyi, spravazdačnymi kancertami. Pieramožcu čakaje taksama hrašovaja ŭznaharoda (sioleta jana składaje 1000 biełaruskich rubloŭ) i zapis videaklipa. Sačycie za navinami konkursu praz supołki ŭ Facebook i UKantakcie.
