Chto nie paśpieŭ ciaham tydnia pakaštavać hraŭłaks, sup z šypšyny ci śmiorhastort — tradycyjnyja šviedskija stravy — toj zmoža adviedać sioje-toje na vialikim fudkorcie, što budzie pracavać na płoščy Svabody.
Na hałoŭnuju scenu vyjduć chor Concordia i simfaničnaje trya «Vytoki». U vykanańni kavier-benda Piatra Klujeva zahučać chity ABBA, Ace of Base, Roxette, The Cardigans. Tancavalny hurt «Legion Street Dancers» budzie ruchacca z publikaj u rytmie brejku i chip-chopu.
Uviečary dla žycharoŭ i haściej stalicy budzie hrać zorny šviedski hurt Secret Service. Raspačnuć viečarovy kancert a 20-j hadzinie finalisty sioletniaha «Jeŭrabačańnia» — hurt Naviband.
U dvoryku z fantanam, na Muzyčnym zavułku 1/2, možna budzie pasłuchać prezientacyju paetyčnaha zbornika šviedskaha Nobieleŭskaha łaŭreata Tumasa Transtromiera na biełaruskaj movie. U imprezie biaruć udzieł udava paeta Monika Transtromier i šviedski daśledčyk Nikłas Šoler. Tut ža možna budzie ŭbačyć vystavy «Šviecyja vačyma biełarusaŭ», «Šviecyja ŭ Biełarusi» i vystavu Šviedskaha Instytuta «Žyćciovaja mazaika». Akramia taho, hości zmohuć pahladzieć pastanoŭku pa pjesie Stryndbierha «Frokien Žuli». Kožny, chto zavitaje ŭ dvoryk z fantanam, zmoža paŭdzielničać u litaraturnaj viktarynie i atrymać padarunak.
U dvoryku la hatela «Manastyrski» ŭ Muzyčnym zavułku buduć prezientavać navučalnyja prahramy Šviedskaha Instytuta i Stakholmskaj škoły ekanomiki. Achvotnyja zmohuć trapić na majstar-kłas pa tradycyjach śviatkavańnia Siaredziny leta ŭ Šviecyi, dałučycca da ŭroku šviedskaj movy i paspytać ščaścia ŭ łatarei «Spaznaj Šviecyju».
Na art-terasu Kancertnaj zały «Vierchni horad» možna śmieła adpraŭlacca ź dziećmi, dla ich tut budzie śpiecyjalnaja prahrama: dziciačyja śpiektakli, čytańni, majstar-kłasy pa matyvach šviedskich kazak pra Pipi Doŭhuju Pančochu, Mamu Mu i Krumkača, Petsana i Findusa, Vitu Biełuju Kresku i Śniežnaha čałavieka. Tut ža budzie pracavać fotazona. Ź inšaha boku płoščy, kala haradskich vahaŭ, budzie pracavać dziciačaja hulniavaja zona.
Na placoŭcy la restarana «Reniesans» možna budzie paŭdzielničać u majstar-kłasie pa fłarbole, dałučycca da fitnes-treniroŭki, uziać udzieł u turniry pa nastolnym chakiei i tenisie abo zaniacca skandynaŭskaj chadoj.
U śviacie taksama voźmie ŭdzieł Kłub rekanstruktaraŭ, jaki budzie znajomić biełarusaŭ z ryštunkam, hulniami i tradycyjami vikinhaŭ.
Dzień Šviecyi na płoščy ładzić Pasolstva Šviecyi ŭ Biełarusi razam ź Minskim harvykankamam.
