Upraŭleńniem Śledčaha kamiteta pa horadzie Minsku raspačataja i rasśledujecca kryminalnaja sprava ŭ dačynieńni da biznesmiena i inviestara «Motavieła», biźniesmiena i inviestara «Motavieła» Alaksandra Muraŭjova, jaki ŭ ciapierašni čas adbyvaje termin u kałonii. Pra heta TUT.BY paviedamiła aficyjny pradstaŭnik Śledčaha kamiteta Julija Hančarova.
Fota: Darja Burakina, TUT.BY
«Śledčym kamitetam u dačynieńni da Alaksandra Muraŭjova raspačataja kryminalnaja sprava pa art. 243 (uchileńnie ad vypłaty padatkaŭ) Kryminalnaha kodeksa Biełarusi. Zhodna z najaŭnaj infarmacyjaj, Muraŭjoŭ spryjaŭ uchileńniu ad vypłaty padatkaŭ čatyrom subjektam haspadarańnia, jakija zajmalisia pastaŭkami na «Motavieła»», — raspaviali ŭ SK.
U viedamstvie taksama adznačyli, što suma naniesienaj biudžetu škody na dadzieny momant składaje nie mienš za 350 tysiač denaminavanych rubloŭ.
«Śledstvam pryniatyja miery da kampiensacyi hetaj škody. Jana častkova kampiensavanaja», — dadała aficyjny pradstaŭnik SK.
Nahadajem, u studzieni 2017 hoda biznesmiena i inviestara «Motavieła» Alaksandra Muraŭjova sud prysudziŭ da 11 hadoŭ kałonii (prakuror prasiŭ 12) i kanfiskacyi majomaści — u tym liku akcyj «Motavieła». Jon byŭ pryznany vinavatym pa ŭsich składach złačynstvaŭ, jakija jamu stavilisia ŭ vinu: machlarstva (č. 4 art. 209), kradziež (č. 4 art. 210), uchileńnie ad vypłaty padatkaŭ (č. 2 art. 243), arhanizacyja i dapamahańnie va ŭčynieńni złačynstvaŭ (art. 16).
U biznesmiena kanfiskavali amal 75 miljonaŭ akcyj «Motavieła», jakija naležać kampanijam ATEC Investment i «RosintiechHrupp». Pieršaj kiravaŭ sam Alaksandr Muraŭjoŭ, druhoj — jaho brat Siarhiej (jakoha śledam za Alaksandram u lutym prysudzili da abmiežavańnia voli za niavypłatu padatkaŭ).