Paśla abmierkavańniaŭ, jakija vyklikali šmatlikija dyskusii ŭ hramadstvie i ŭ parłamiencie, litoŭski Siejm prykmietna abmiežavaŭ handal, užyvańnie i rekłamu ałkaholu. Adny zabarony ŭstupiać u siłu z 2018 hoda, inšyja — z 2020 hoda, paviedamlaje Delfi.
«Za» prahałasavaŭ 101 parłamientaryj, «suprać» — 10 i 10 ustrymalisia.
Z nastupnaha hoda kupić i ŭžyvać ałkahol u Litvie možna budzie tolki z 20 hadoŭ, akramia taho, čas handlu ałkaholem stanie karaciejšym: u budnija dni i ŭ subotu — z 10 da 20 hadzin, u niadzielu — z 10 da 15 hadzin, za vyklučeńniem ałkaholu, jaki pradajecca na raźliŭ i ŭžyvajecca ŭ hramadskim charčavańni.
Na ŭsich masavych mierapryjemstvach z 2020 hoda možna budzie handlavać słabym ałkaholem — da 7,5 hradusa. Adnak budzie zabaroniena pradavać ałkahol na plažach.
Z 2018 hoda ŭ krainie budzie zabaronienaja lubaja rekłama ałkaholu.
