Budaŭnictva novaha korpusa dla adździaleńnia reanimacyi novanarodžanych RNPC «Maci i dzicia» pačniecca da kanca 2017 h. Pra heta, jak pieradajuć «Minsk-Naviny», na pres-kanfierencyi 1 červienia paviedamiŭ dyrektar RNPC «Maci i dzicia» Kanstancin Vilčuk.
«Kolkaść miescaŭ dla vychodžvańnia niemaŭlat, u tym liku hłybokaniedanošanych, u novym korpusie zastaniecca raniejšym — 30, — adznačyŭ Vilčuk. — Adnak my płanujem tam zrabić niekalki reanimacyjnych pałat dla sumiesnaha znachodžańnia maci i novanarodžanaha dziciaci. Heta ŭpieršyniu ŭ našaj krainie».
Vilčuk rastłumačyŭ, što architekturny prajekt pa ŭźviadzieńni novaha abjekta ŭžo hatovy. Budavać jaho buduć na pazyku Suśvietnaha banka i srodki z respublikanskaha biudžetu.
«Zakančeńnie budaŭnictva hetaha korpusa zapłanavanaje na 2020 h., — dadaŭ dyrektar RNPC «Maci i dzicia». — Taksama zapłanavanaja i rekanstrukcyja isnujučych lačebnych pamiaškańniaŭ centra».
