Niedabudavany piacizorkavy hatel Hyatt Regency znoŭ vystaŭleny na tarhi, ale ŭžo sa źnižkaj u 32 miljonaŭ rubloŭ. Infarmacyja ab hetym raźmieščanaja na aŭkcyjonnaj placoŭcy beltorgi.by, paviedamlaje Tut.by.
Fota: Jaŭhien Jerčak, TUT.BY
Nahadajem, pieršy raz raz hatel vystaŭlaŭsia na aŭkcyjon u listapadzie 2016 hoda. Tady jaho pačatkovaja cana była 98,2 młn rubloŭ biez PDV (u ekvivalencie 49 miljonaŭ dalaraŭ pa stanie na listapad 2016 hoda). Tarhi pravodzilisia ŭ ramkach pracedury bankructva kampanii «Syravinnyja resursy», jakaja była zamoŭcam budaŭnictva haściničnaha kompleksu.
Druhi raz tarhi mahli b prajści ŭ sakaviku hetaha hoda, tady pačatkovaja cana była 78,2 miljona biełaruskich rubloŭ. Adnak žadajučych nabyć abjekt za pakazanuju sumu nie znajšłosia.
Pačatkovaja cana znoŭ źniziłasia — kali tarhi 16 červienia adbuducca, cana budzie startavać z 66 407 515 biełaruskich rubloŭ.
Budaŭnictva hatela było pačataje ŭ 2010 hodzie, zabudoŭščykam vystupiła kampanija «Syravinnyja resursy», jakaja dla realizacyi prajekta pryciahnuła kredyty Bielinviestbanka i BPS-Śbierbanka. Płanavałasia, što hatel budzie zdadzieny da čempijanatu śvietu pa chakiei 2014 hoda. U 2015 hodzie budaŭnictva było zamarožanaje z-za niedachopu srodkaŭ, zabudoŭščyk pačaŭ praceduru bankructva, abjekt byŭ vystaŭleny na tarhi.
Niedabudavany hatel znachodzicca na Staravilenskim trakcie, 3, kala Kamsamolskaha voziera. Niezavieršany zakansiervavany budynak składajecca z haścinicy na 246 numaroŭ, restaranaŭ, SPA-zony, kanfierenc-załaŭ, administracyjnych i handlovych pamiaškańniaŭ i inš. Kompleks składajecca z 7 nadziemnych pavierchaŭ i 3 padziemnych. Ahulnaja płošča — 46, 1 tys. kv. m. Hatoŭnaść abjekta — kala 70%.
