U Polščy z 1 červienia ŭstupajuć u siłu novyja praviły, jakija datyčacca parušeńnia praviłaŭ darožnaha ruchu. Novaŭviadzieńni hałoŭnym čynam robiać bolš žorstkimi pakarańni kiroŭcaŭ, jakija siadajuć za rul u stanie ałkaholnaha apjanieńnia, paviedamlaje Radyjo Polšča.
Namieśnik ministra justycyi Michał Vujcik adznačyŭ, što pjany kiroŭca aŭtamabila, vinavaty ŭ śmiarotnym DTZ, adrazu trapić u turmu, bo sud ciapier nie zmoža prysudzić jaho da ŭmoŭnaha pakarańnia.
«Heta vielmi mahutny sihnał dla tych, chto ŭžyvaje ałkahol, a potym sadzicca za rul. U takich situacyjach kiroŭcy adrazu buduć traplać u turmu», — skazaŭ jon.
Akramia taho, zhodna z novymi praviłami, termin daŭnaści parušeńnia padoŭžany z dvuch da troch hadoŭ.
Taksama sud, jaki razhladaje spravy darožnych parušalnikaŭ, atrymaŭ poŭny dostup nie tolki da bazy dziaržaŭnaha sudovaha rejestra, ale i da baz palicyi i aŭtamabilnaha rejestra.
