Čarnahoryja zabaraniła ŭjezd 149 hramadzianam Rasijskaj Fiederacyi i prarasijskim ŭkraincam, jakija padtrymlivajuć anieksiju Kryma, paviedamlaje vydańnie b92.net.
U «čorny śpis» patrapiŭ namieśnik premjer-ministra RF Dźmitryj Rahozin, sakratar Savieta biaśpieki Rasii Mikałaj Patrušaŭ, prezident Čačenskaj Respubliki Ramzan Kadyraŭ, aliharch Kanstancin Małafiejeŭ i namieśnik hienieralnaha sakratara kirujučaj partyi «Adzinaja Rasieja» Siarhiej Žalaźniak. Pra jakich mienavita hramadzian Ukrainy idzie havorka, nie ŭdakładniajuć.
Nahadajem, niadaŭna Rasija zabaraniła ŭjezd u krainu dziejnamu premjer-ministru Čarnahoryi Duška Markaviču i śpikieru parłamienta Ivanu Brajaviču, a taksama šerahu čarnahorskich palitykaŭ.
