Hramadski aktyvist Juryj Rubcoŭ byŭ asudžany na 2 hady pazbaŭleńnia voli ŭ kastryčniku 2014 hoda «za ŭchileńnie ad adbyćcia pakarańnia» «na chimii» ŭ śpieckamiendatury vioski Kuplin, kudy jon byŭ nakiravany na 1,5 hoda za «abrazu sudździ». U turmie Juryj trymaŭ šmatdzionnuju haładoŭku i byŭ vyzvaleny pierad vybarami 2015 hoda pa ŭkazie Łukašenki.
Praź niekatory čas paśla vyzvaleńnia Juryj razam z žonkaj paprasili palityčnaha prytułku ŭ Hiermanii. Bolš za hod Rubcovy čakali adkazu niamieckaha ŭrada ab pradastaŭleńni prytułku. 1 červienia jon atrymaŭ adkaz: admoŭlena ŭ pradastaŭleńni prytułku. Juryj Rubcoŭ koratka prakamientavaŭ situacyju sajtu «Biełaruskaha dakumientacyjnaha centra»:
«Adkaz ja atrymaŭ siońnia. Krainu pavinien pakinuć ciaham 30 dzion. Viarnusia ŭ Biełaruś ci nie, pakul nie vyrašyŭ, ja bajusia represij. Kančatkovaje rašeńnie budu prymać paśla aŭtorka».
