Maŭrytanija stała dziaviataj krainaj, jakaja na hetym tydni razarvała dypłamatyčnyja adnosiny z Kataram.

«Katar źviazaŭ svaju palityku … z padtrymkaj terarystyčnych arhanizacyj i prapahandaj ekstremisckaj ideałohii», — cytujuć miascovyja ŚMI zajavu ministerstva zamiežnych spraŭ.

U paniadziełak Siryja, Bachrejn, Abjadnanyja Arabskija Emiraty, Jehipiet, Jemien i Maldyŭskaja Respublika abviaścili pra razryŭ dypłamatyčnych adnosin z Kataram, vysunuŭšy suprać jaho anałahičnyja abvinavačvańni.

Paźniej da ich dałučylisia Maŭrykij i ŭschodni ŭrad Livii (što asprečvaje lehitymnaść mižnarodna pryznanaha ŭrada ŭ Trypali). Hramadzianie Katara pavinny pakinuć terytoryju hetych krainaŭ, pavietranaja prastora zakryta dla katarskich samalotaŭ.

Iardanija pryniała rašeńnie źnizić uzrovień dypłamatyčnaha pradstaŭnictva ŭ Katary, a taksama začynić miascovy ofis katarskaha telekanała «Al-Džazira».

Arabskija krainy padazrajuć urad Katara ŭ finansavańni i ŭzbrajeńni radykalnych isłamisckich hrupovak u Siryi.

Pa dadzienych Financial Times, susiedziaŭ Katara taksama aburyŭ vykup u miljard dalaraŭ, zapłačanych isłamistam za vykradzienych hramadzian Katara ŭ Iraku i Siryi.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?