Ranicaj 9 červienia na prachadnoj AAT «Kamintern» prybiralščyca padpaliła sama siabie. Žančynu z apiokami 50% cieła špitalizavali.
Pa słovach dyrektara pradpryjemstva, prablem na pracy nie było anijakich, zatoje ŭ paciarpiełaj nibyta mielisia prablemy ź psichikaj.
Viadoma, što ŭ apošnija miesiacy žančyna zajmałasia afarmleńniem piensii i ŭ jaje paŭstali ciažkaści z adnaŭleńniem stažu ŭ Rasii. Da pierajezdu ŭ Biełaruś jana žyła i pracavała ŭ Karelii.
«Asnoŭny patok ludziej prajšoŭ na pracu. Potym zajšła naša supracoŭnica i sa słovami «U mianie skrali 18 hadoŭ stažu» padniesła da siabie zapalničku. Uspychnuła połymia imhnienna. Kanistry ŭ jaje ŭ rukach nie było, tolki zapalnička», — raspaviała sputnik.by śviedka — kantralor punkta achovy Alena Piatuch.
To bok, peŭnyja prablemy z afarmleńniem piensii ŭźnikli. Pryčym žančyna znachodziłasia na balničnym. Atrymlivajecca, u hety dzień jana admysłova pryjšła na pradpryjemstva.
Pakul što inšyja detali nieviadomyja, pracujuć śledčyja.
