Pieršy ŭ stalicy infaturkijosk uračysta adkryli ŭ budynku Centralnaha čyhunačnaha vakzała 9 červienia, pieradajuć «Minsk-Naviny».
Tam žychary i hości horada mohuć biaspłatna atrymać daviedačnuju i turystyčnuju infarmacyju, uziać karty i daviedniki pa horadzie i pry žadańni kupić suvieniry biełaruskich majstroŭ.
Infaturkijosk stvorany UP «Minhardaviedka» sumiesna ź infarmacyjna-turysckim centram «Minsk».
«Raniej na hetym miescy byŭ naš łarok z vydačaj płatnych daviedak. Takaja forma pracy sastareła, — adznačyŭ dyrektar UP «Minhardaviedka» Barys Vasiljeŭ. — Ciapier my budziem biaspłatna davać ludziam infarmacyju. Zarablać płanujem za košt prodažu suvieniraŭ».
Paviljon adkryty z 8:00 da 20:00 biez vychadnych. Ciapier tam paźmienna pracujuć dva śpiecyjalisty. Praŭda, absłužyć jany pakul zmohuć, vidać, tolki pryjezdžych z krain SND, bo vałodajuć tolki ruskaj movaj
«U pierśpiektyvie płanujem arhanizavać kursy zamiežnaj movy dla supracoŭnikaŭ, kab jany mahli svabodna kamunikavać z zamiežnymi haściami stalicy», — adznačyŭ Barys Vasiljeŭ.
