Vydańnie «Svabodnaja presa», jakoje redahuje rasijski piśmieńnik Siarhiej Šarhunoŭ, źmiaściła artykuł z krasamoŭnaj nazvaj «Rasija dapamahaje Ukrainie advajoŭvać Danbas».

«Maskva i Kijeŭ, niahledziačy ni na što, naroščvajuć abjomy handlu pradukcyjaj abaronnaha pryznačeńnia», — havorycca va ŭstupie da artykuła.

«Nie dumaju, što dla bajavoj avijacyi kamplektujučyja pastaŭlalisia z Rasii. Inšaja sprava, što ich mahli pradać Kijevu praz susiednija krainy, pakolki tyja ž MiH-29 byli i jość u Biełarusi i Kazachstana,

— ličyć hałoŭny redaktar časopisa «Ekspart uzbrajeńnia» Andrej Frałoŭ. — Što tyčycca zakupki hetymi dziaržavami jakoj-niebudź namiekłatury dla pieraprodažu va Ukrainu, to tut nie tak usio prosta. Isnuje tak zvany siertyfikat kančatkovaha karystalnika: pry luboj pastaŭcy pakupnik pytajecca dazvoł na reekspart ŭ pradaŭca. Zrazumieła, što nichto datčyki nie stavić na ŭsio zapar, ale kali vyjavicca, što chtości pierapradaje jakija-niebudź ahrehaty abo techniku va Ukrainu, zakuplajučy ich u Rasija dla siabie, to budzie vialiki skandał».

Pra patok zbroi z Rasii va Ukrainu praź Biełaruś havoryć taksama inšy ekśpiert — namieśnik dyrektara Instytuta palityčnaha i vajennaha analiza Alaksandr Chramčychin.

«Handal z Ukrainaj u vajennym siehmiencie praciahvajecca, i heta vidavočna. Praz Kazachstan — u mienšaj stupieni. Ale praź Biełaruś, mabyć, vajennaja pradukcyja idzie šyrokim patokam ŭ abodvuch napramkach», — ličyć Chramčychin.

Na jahonuju dumku, na «siertyfikat karystalnika» ŭ Biełarusi ci Ukrainie prosta nichto nie źviartaje ŭvahi.

«Źjaŭlalisia paviedamleńni i pra pastaŭki husieničnych stužak i ruchavikoŭ rasijskaj vytvorčaści dla bronietransparcioraŭ savieckaj vytvorčaści BTR-70, jakija byli nabyty praz brytanskuju firmu. A taksama kamplektujučych dla viertalotnaj techniki.

Biełarusy choć admaŭlajuć, a ŭkraincy zajaŭlajuć, što asvoili vytvorčaść sistem, ale całkam mohuć pastaŭlacca tyja ž prybory načnoha bačańnia i sistemy naviadzieńnia dla procitankavych rakiet, na jakich budzie stajać ŭkrainskaja markiroŭka», — pierakanany ekśpiert.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?