Prezident Piatro Parašenka padpisaŭ zakon ab źmienach u Kodeks Ukrainy ab administracyjnych pravaparušeńniach nakont zabarony vytvorčaści i prapahandy hieorhijeŭskaj (hvardziejskaj) stužki», paviedamlaje pres-słužba kiraŭnika dziaržavy.

Zakon byŭ pryniaty Viarchoŭnaj Radaj 16 maja. 21 maja Parašenka patłumačyŭ, čamu jon padpiša ŭkaz.

«Bo heta nie jość simvolikaj Druhoj suśvietnaj, heta simvolika — simvał ahresii suprać Ukrainy 2014-2017 hh. Bo abviešanyja hetymi stužkami bajeviki zabivajuć našych voinaŭ štodnia i štonočy. Rasija svajoj palitykaj u adnosinach da Ukrainy sama pastaviła stužku pa-za zakonam».

Zhodna z dakumientam publičnaje vykarystańnie, demanstracyja abo našeńnie hieorhijeŭskaj stužki abo jaje adlustravańnie ciahnuć za saboj nakładańnie štrafu ad 50 da 150 nieabkładanych minimumaŭ dachodaŭ hramadzian (siońnia 850—2 550 hryŭniaŭ, abo pryblizna 32—96 dalaraŭ) z kanfiskacyjaj hieorhijeŭskaj stužki abo pradmietaŭ, jakija źmiaščajuć jaje vyjavy.

Kali ž heta ŭčyniena paŭtorna na praciahu hoda, to budzie ciahnuć za saboj nakładańnie štrafu ad 150 da 300 minimumaŭ (96 da 195 dalaraŭ) abo administracyjny aryšt na termin da 15 sutak.

Клас
0
Панылы сорам
0
Ха-ха
0
Ого
0
Сумна
0
Абуральна
0